കാസര്‍ഗോഡ്ദളിത് വിദ്യാര്‍ത്ഥിയുടെതലമുടി മുറിച്ച സംഭവം;പ്രധാനാധ്യാപികമുന്‍കൂര്‍ ജാമ്യാപേക്ഷനല്‍കി
കാസര്‍ഗോഡ് സ്കൂള് അസംബ്ലിയില്‍ വച്ച് ദളിത് വിദ്യാര്‍ത്ഥിയുടെ തലമുടി മുറിച്ച സംഭവത്തില്‍ പ്രധാനാധ്യാപിക ഷേര്‍ളി ജോസഫ് മുന്‍കൂര്‍ ജാമ്യാപേക്ഷ നല്‍കി. കാസര്‍ഗോഡ് ജില്ലാ സെഷന്‍സ് കോടതിയിലാണ് ജാമ്യാപേക്ഷ നല്‍കിയത്. ഈ മാസം ഏഴിന് ജാമ്യ ഹര്‍ജി കോടതി പരിഗണിക്കും. പ്രധാനധ്യാപിക ഒളിവില്‍ തുടരുകയാണ്. കോട്ടമല എം.ജി.എം എ.യു.പി സ്‌കൂളില്‍ കഴിഞ്ഞ മാസം 19നായിരുന്നു സംഭവം.
കാസര്‍ഗോഡ് കോട്ടമല എംജിഎംഎ സ്‌കൂളില്‍ ഈ മാസം 19നാണ് സംഭവം നടന്നത്. സംഭവത്തില്‍ രക്ഷിതാവിന്റെ പരാതിയില്‍ ജാമ്യമില്ലാ വകുപ്പ് പ്രകാരം പൊലീസ് കേസെടുത്തിരുന്നു. സ്‌കൂളിലെ മറ്റ് വിദ്യാര്‍ത്ഥികളും അധ്യാപകരും നോക്കിനില്‍ക്കെയാണ് പ്രധാന അധ്യാപിക മുടി മുറിച്ചതെന്ന് പരാതിയില്‍ പറയുന്നു. പ്രധാന അധ്യാപിക ഷേര്‍ളിക്കെതിരെ പട്ടികജാതി / പട്ടിക വര്‍ഗ അതിക്രമം തടയല്‍, ബാലാവകാശ നിയമം എന്നിവയിലെ വകുപ്പുകള്‍ ചുമത്തിയാണ് കേസെടുത്തിരിക്കുന്നത്.
