കേരളത്തില്‍ തപാല്‍ ലഹരി; രണ്ട് പേര് കൂടി പിടിയില്‍
കൊച്ചിയില്‍ തപാല്‍ വഴി ലഹരി ഇടപാട് നടത്തിയ കേസില്‍ രണ്ട് പേര് കൂടി പിടിയില്‍. ഇന്നലെ അഞ്ച് പേരെ നാര്‍ക്കോട്ടിക്‌സ് കണ്ട്രോള്‍ ബ്യുറോ കാസ്റ്റിഡിയില്‍ എടുത്തിരുന്നു.
ജര്‍മനിയില്‍ നിന്നും ലഹരി എത്തിച്ചുവെന്നാണ് കണ്ടെത്തല്‍. വിവിധ സാധനങ്ങളില്‍ ഒളിപ്പിച്ചും അല്ലാതെയുമാണ് ലഹരിക്കടത്ത് വ്യാപകമാകുന്നത്. അന്യസംസ്ഥാനങ്ങളില്‍ നിന്ന് മാരകമയക്കുമരുന്നുകള്‍ എത്തുന്നുണ്ട്.
വാങ്ങുന്നവരിലും വില്ക്കുന്നവരിലും ഭൂരിഭാഗവും യുവാക്കളാണ്.രാജ്യാന്തര മയക്കുമരുന്ന് ശൃംഖലയുടെ കണ്ണികള്‍ കൊച്ചിയിലുണ്ടെന്നാണ് വിവരം.കാര്യമായ പരിശോധനയില്ലാത്ത തപാല്‍ ഓഫീസുകള്‍ വഴിയാണ് ലഹരി സംഘങ്ങളുടെ ഇടപാടുകള്‍.
വ്യക്തികളുടെയോ സ്ഥാപനങ്ങളുടെയോ വിലാസം ദുരുപയോഗം ചെയ്താണ് കടത്ത്.ഇതിന് ഉപയോഗിക്കുന്ന നമ്പര്‍,? ലഹരിവാങ്ങുന്ന ആളുടെയോ ഇടനിലക്കാരന്റെയോ ആകും.സ്ഥാപനത്തില്‍ വന്നോ വഴിയില്‍ വച്ചോ കൊറിയര്‍ വാങ്ങുകയാണ് പതിവ്.
