സാമ്പത്തിക പ്രതിസന്ധിയില്‍നട്ടം തിരിഞ്ഞ് കേരളം; അടിയന്തിരമായി 800 കോടി രൂപ കടമെടുക്കും
സാമ്പത്തിക പ്രതിസന്ധിയില്‍ നട്ടം തിരിഞ്ഞ് കേരളം. അടിയന്തിരമായി 800 കോടി രൂപ കടമെടുക്കും. പ്രത്യേക ലേലം അടുത്ത ചൊവാഴ്ച്ച നടക്കും. സംസ്ഥാനത്തെ പൊലീസ് വാഹനങ്ങള്‍ കട്ടപ്പുറത്ത്. കുടിശിക തീര്‍ക്കാതെ ഇന്ധനം നല്‍കില്ലെന്ന് പമ്പ് ഉടമകള്‍.
ഡീസല്‍ അടിച്ച വകയില്‍ പമ്പുകള്‍ക്ക് നല്‍കാനുള്ളത് ഒരു കൊല്ലത്തെ കുടിശികയാണ്. ഇന്ധനം ലഭിക്കാതെ വന്നതോടെ പല ഇടങ്ങളിലും രാത്രികാല പെട്രോളിംഗ് പൊലീസ് നിര്‍ത്തിവച്ചു. നവകേരള സദസിനായി ഓടിയ വകയില്‍ നല്‍കാനുള്ളത് ലക്ഷങ്ങള്‍. കേസ് അന്വേഷണങ്ങളെ പ്രതികൂലമായി ബാധിക്കുന്നെന്ന് പരാതി.
എന്നാല്‍ സംസ്ഥാനത്തെ വികസന പദ്ധതിക്കായുള്ള ഫണ്ടിന്റെ ദൗര്‍ലഭ്യം കണക്കിലെടുത്ത് വരാനിരിക്കുന്ന ബജറ്റില്‍ മൊത്തം പദ്ധതി വിഹിതം വെട്ടിക്കുറയ്ക്കാന്‍ നിര്‍ദ്ദേശമുണ്ട്. നികുതി വരുമാനവും കടമെടുപ്പും ഉള്‍പ്പെടെ വിവിധ മേഖലകളില്‍ നിന്നുള്ള ഫണ്ട് ഉപയോഗിച്ചാണ് വിവിധ പദ്ധതികളുടെ രൂപരേഖ തയ്യാറാക്കിയിരിക്കുന്നത്.
2023-24 ബജറ്റിലെ മൊത്ത വിഹിതത്തില്‍, 30,370 കോടി രൂപ സംസ്ഥാന പദ്ധതിക്ക് കീഴിലും 8,259.19 കോടി രൂപ സിഎസ്എസും എന്‍സിഡിസിയും ചേര്‍ന്നും വകയിരുത്തിയിരുന്നു. എന്നാല്‍, സംസ്ഥാന പദ്ധതി പ്രകാരം 30,370 കോടി രൂപയില്‍ 23,000 കോടി രൂപ മാത്രമാണ് സര്‍ക്കാരിന് സമാഹരിക്കാന്‍ കഴിഞ്ഞത്. കേന്ദ്രസഹായം കുറഞ്ഞതും തിരിച്ചയിയായി.
