പശ്ചിമേഷ്യൻ സംഘർഷം; ഇറാൻ വിദേശകാര്യ മന്ത്രി ചൈനയിലേക്ക്
തെഹ്റാൻ: പശ്ചിമേഷ്യയിൽ തുടരുന്ന സംഘർഷങ്ങൾക്കും യുദ്ധസമാനമായ സാഹചര്യങ്ങൾക്കും പരിഹാരം കാണുന്നതിനുള്ള നയതന്ത്ര ശ്രമങ്ങളുടെ ഭാഗമായി ഇറാൻ വിദേശകാര്യ മന്ത്രി സയ്യിദ് അബ്ബാസ് അരാഗ്ചി ചൈനയിലേക്ക് തിരിച്ചു. ബെയ്ജിംഗിലെത്തുന്ന അദ്ദേഹം ചൈനീസ് വിദേശകാര്യ മന്ത്രി വാങ് യീയുമായി നിർണായക കൂടിക്കാഴ്ച നടത്തും. മേഖലയിൽ സമാധാനം പുനഃസ്ഥാപിക്കുന്നതിനും സംഘർഷം കൂടുതൽ വ്യാപിക്കുന്നത് തടയുന്നതിനുമുള്ള മധ്യസ്ഥ ശ്രമങ്ങളുടെ ഭാഗമായാണ് ഈ സന്ദർശനം. അമേരിക്ക ഉൾപ്പെടെയുള്ള രാജ്യങ്ങളുമായുള്ള തർക്കങ്ങൾ പരിഹരിക്കാനും മേഖലയിൽ സുസ്ഥിരത ഉറപ്പാക്കാനും ചൈനയുടെ ഇടപെടൽ തേടാനാണ് ഇറാൻ ലക്ഷ്യമിടുന്നത്. ചൈനീസ് വിദേശകാര്യ മന്ത്രിയുമായുള്ള ചർച്ചകൾക്ക് ശേഷം ഇരുരാജ്യങ്ങളും സംയുക്ത വാർത്താക്കുറിപ്പ് പുറത്തിറക്കുമെന്നാണ് സൂചന.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
