പതിനാറുകാരനായ പേരക്കുട്ടിയുടെ കുത്തേറ്റ് ചികിത്സയിലായിരുന്ന വലിയുപ്പ മരിച്ചു

പാലക്കാട്: കാവശേരിയിൽ പതിനാറുകാരന്റെ കുത്തേറ്റ് മുത്തച്ഛൻ മരിച്ചു. വാഴക്കച്ചിറ സുലൈമാൻ(65) ആണ് മരിച്ചത്. ഇക്കഴിഞ്ഞ 19 ന് കാവശ്ശേരിയിലെ വീട്ടിൽ വൈകിട്ട് ഏഴുമണിയോടെയാണ് സംഭവം. ചികിത്സയിൽ‌ കഴിയവേയാണ് സുലൈമാൻ മരിച്ചത്. ചികിത്സയിൽ‌ കഴിയവേയാണ് സുലൈമാൻ മരിച്ചത്. സുലൈമാന്റെ മകളുടെ മകനായ 16 കാരൻ സഹോദരിയുമായി തർക്കത്തിനിടെ കത്തികൊണ്ട് കുത്താൻ ശ്രമിക്കുകയായിരുന്നു. ഇതിനിടെ മുത്തശ്ശനായ സുലൈമാൻ പത്തു വയസ്സുകാരിയെ രരക്ഷിക്കുന്നതിനിടയിലാണ് കുത്തേറ്റത്.

സുലൈമാന് നെഞ്ചിനും കഴുത്തിനും വയറിനും കുത്തേൽക്കുകയായിരുന്നു. പിന്നീട് രണ്ടുപേരെയും ആലത്തൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. സുലൈമാന്റെ നില ഗുരുതരമായതിനെ തുടർന്ന് തൃശ്ശൂർ മെഡിക്കൽ കോളേജിലേക്ക് മാറ്റിയിരുന്നു. ചികിത്സ തുടരുന്നതിനിടെ ഇന്നലെ രാത്രിയാണ് സുലൈമാൻ മരിച്ചത്. സഹോദരി അപകടനില തരണം ചെയ്തു. സംഭവശേഷം ഒളിവിൽ പോയ 16കാരനായ പ്രതിയെ പിന്നീട് പൊലീസ് പിടികൂടി ജുവനൽ ഹോമിലാക്കി.