കാസറഗോഡ് ജില്ലയില് നാളെ അവധി പ്രഖ്യാപിച്ചു
കാസറഗോഡ്: മഴ അതിശക്തമായി തുടരുന്ന സാഹചര്യത്തില് മുന്കരുതല് എന്ന നിലയില് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്,ട്യൂഷന് സെന്ററുകള്, സ്പെഷ്യല് ക്ലാസുകള്, അങ്കണവാടികള്, മദ്രസകള് തുടങ്ങിയവയ്ക്ക് നാളെ (മെയ് 29) ജില്ലാ കളക്ടര് കെ. ഇമ്പശേഖര് ഐഎഎസ് അവധി പ്രഖ്യാപിച്ചു. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ല.
റെഡ് അലര്ട്ട് പ്രഖ്യാപിച്ച സാഹചര്യത്തില് ജില്ലയില് ക്വാറികള് മെയ് 29, 30 തീയതികളില് പ്രവര്ത്തിക്കുവാന് പാടില്ലെന്നും കളക്ടര് അറിയിച്ചു. റെഡ് അലര്ട്ട് പ്രഖ്യാപിച്ച ദിവസങ്ങളില്
ജില്ലയില് റാണിപുരം ഉള്പ്പെടെയുള്ള വിനോദസഞ്ചാര കേന്ദ്രങ്ങള് അടച്ചിടും. ബീച്ചുകളിലേക്കും വിനോദസഞ്ചാരികള്ക്ക് പ്രവേശനം അനുവദിക്കുന്നതല്ല. മലയോരങ്ങളിലേക്കുള്ള രാത്രികാല യാത്രകള് ഒഴിവാക്കേണ്ടതാണെന്നും ഫേസ്ബുക്ക് കുറിപ്പില് കളക്ടര് അറിയിച്ചു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
