മംഗളൂരു ബജ്പെയിൽ 'ഹജ്ജ് ഭവന്' തറക്കല്ലിട്ടു; തീരദേശവാസികളുടെ ദീർഘകാല സ്വപ്നം സാക്ഷാത്കാരത്തിലേക്ക്
മംഗളൂരു: ദക്ഷിണ കന്നഡ ജില്ലയിലെ ബജ്പെയിൽ ആധുനിക സൗകര്യങ്ങളോടെ നിർമ്മിക്കുന്ന 'ഹജ്ജ് ഭവൻ' കെട്ടിടത്തിന് തറക്കല്ലിട്ടു. മംഗളൂരു താലൂക്കിൽ പെട്ട ബജ്പെ ഗ്രാമത്തിലെ 1 ഏക്കർ 48.5 സെന്റ് സ്ഥലത്താണ് നിർദ്ദിഷ്ട പദ്ധതി ഉയർന്നുവരുന്നത്. കർണാടക സംസ്ഥാന ഹജ്ജ് കമ്മിറ്റി ബാംഗ്ലൂരുവിന്റെ മേൽനോട്ടത്തിലാണ് നിർമ്മാണ പ്രവർത്തനങ്ങൾ നടക്കുന്നത്. ഹജ്ജ് തീർത്ഥാടകർക്കും പൊതുജനങ്ങൾക്കും ഒരുപോലെ ഉപകാരപ്രദമാകുന്ന രീതിയിൽ സർവ്വ സജ്ജീകരണങ്ങളോടും കൂടിയാണ് ഭവന്റെ രൂപകൽപ്പന. പദ്ധതി യാഥാർത്ഥ്യമാകുന്നതോടെ തീരദേശ മേഖലയിലെ ജനങ്ങളുടെ ദീർഘകാലത്തെ വലിയൊരു സ്വപ്നമാണ് പൂവണിയുന്നത്. ഹജ്ജ് ഭവൻ നിർമ്മാണത്തിനായി ഭൂമി സൗജന്യമായി ദാനം നൽകിയ പ്രമുഖ വ്യക്തിത്വമായ ഇനായത്ത് അലിക്കും കുടുംബാംഗങ്ങൾക്കും ചടങ്ങിൽ പ്രത്യേകം നന്ദിയും അഭിനന്ദനവും അറിയിച്ചു. ചടങ്ങിൽ രാഷ്ട്രീയ-സാമൂഹിക-മത രംഗങ്ങളിലെ നിരവധി പ്രമുഖർ പങ്കെടുത്തു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
