മദ്രസകളിൽ വന്ദേമാതരം നിര്ബന്ധമാക്കി പശ്ചിമ ബംഗാൾ സർക്കാർ
കൊല്ക്കത്ത: പശ്ചിമ ബംഗാൾ സര്ക്കാര് സംസ്ഥാനത്തുടനീളമുള്ള മദ്രസകളില് വന്ദേമാതരം ആലപിക്കുന്നത് നിര്ബന്ധമാക്കി. രാവിലെയുള്ള അസംബ്ലികളില് വന്ദേമാതരം ആലപിക്കണമെന്നാണ് നിര്ദ്ദേശം. സ്കൂളുകളിൽ വന്ദേമാതരം ആലപിക്കുന്നത് നിര്ബന്ധമാക്കി ഒരാഴ്ച പിന്നിടുമ്പോഴാണ് മദ്രസകളിലും ആലപിക്കണമെന്ന പുതിയ നിര്ദ്ദേശം. മദ്രസ ഡയറക്ടറേറ്റ് പുറപ്പെടുവിച്ച ഉത്തരവ് പ്രകാരം എല്ലാ അംഗീകൃത, എയ്ഡഡ്, അണ് എയ്ഡഡ് മദ്രസകളിലും ക്ലാസുകള് ആരംഭിക്കുന്നതിന് മുമ്പ് ദേശീയ ഗാനം ആലപിക്കണമെന്ന് നിര്ദ്ദേശമുണ്ട്. സംസ്ഥാന സര്ക്കാരിന്റെ ന്യൂനപക്ഷ കാര്യ മദ്രസ വിദ്യാഭ്യാസ വകുപ്പിന് കീഴില് പ്രവര്ത്തിക്കുന്ന സ്ഥാപനങ്ങള്ക്കും ഈ ഉത്തരവ് ബാധകമാണ്. എല്ലാ വിദ്യാര്ത്ഥികളും ദേശീയ ഗാനാലാപനത്തില് പങ്കെടുക്കണമെന്നും നിര്ദേശം കര്ശനമായി പാലിക്കുന്നുണ്ടോയെന്ന് ഉറപ്പാക്കാന് സ്ഥാപന മേധാവികള്ക്ക് നിര്ദേശം നല്കിയതായും ഉത്തരവില് പറയുന്നു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
