സില്വര് ലൈന് പദ്ധതി റദ്ദാക്കി; മന്ത്രിസഭാ യോഗത്തിലാണ് സുപ്രധാന തീരുമാനം
തിരുവനന്തപുരം: തിരുവനന്തപുരം-കാസര്കോട് സില്വര് ലൈന് പദ്ധതി റദ്ദാക്കി വി ഡി സതീശന് സർക്കാർ. ഇന്നത്തെ മന്ത്രിസഭാ യോഗത്തിലാണ് സുപ്രധാന തീരുമാനം. ഭൂമി ഏറ്റെടുക്കുന്നതുമായി ബന്ധപ്പെട്ട് പുറപ്പെടുവിച്ചിട്ടുള്ള എല്ലാ വിജ്ഞാപനങ്ങളും റദ്ദ് ചെയ്യാന് തീരുമാനിച്ചതായി മുഖ്യമന്ത്രി വി ഡി സതീശന് പറഞ്ഞു. പദ്ധതി ഉപേക്ഷിച്ചതിനാല് നിരവധി വര്ഷങ്ങളായി ഭൂമി വില്ക്കാനോ വാങ്ങാനോ പണയപ്പെടുത്താനോ മകളുടെ വിവാഹത്തിന് ലോണ് എടുക്കാന് പോലും കഴിയാതെ സാധാരണക്കാര് ബുദ്ധിമുട്ടുകയാണ്. അതിനാലാണ് നിലവിലെ തീരുമാനമെന്നും മുഖ്യമന്ത്രി പറഞ്ഞു. സില്വര് ലൈന് സമരവുമായി ബന്ധപ്പെട്ട് വിവിധ കോടതികളിലും പൊലീസ് സ്റ്റേഷനിലും നിലനില്ക്കുന്ന കേസുകള് സ്വഭാവമനുസരിച്ച് പിന്വലിക്കനുള്ള ശുപാര്ശ കോടതിയില് നല്കാന് തീരുമാനിച്ചു. പദ്ധതിയുടെ ഭാഗമായി സ്ഥാപിച്ച മഞ്ഞക്കുറ്റികള് നീക്കം ചെയ്യാന് റവന്യൂ വകുപ്പിന് നിര്ദേശം നല്കിയെന്നും മുഖ്യമന്ത്രി പറഞ്ഞു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
