അംഗഡിമുഗർ ഒടുവാർ അമാനത്തുൽ ഇസ്ലാം മദ്രസ വാർഷികവും മതവിജ്ഞാന സദസ്സും കഥാപ്രസംഗവും നാളെ മുതൽ ആരംഭിക്കും 

കുമ്പള: അംഗഡിമുഗർ ഒടുവാർ അമാനത്തുൽ ഇസ്ലാം മദ്രസ വാർഷികവും മതവിജ്ഞാന സദസ്സും നാളെ മുതൽ 13 വരെ നടക്കും. നാളെ ശനി രാത്രി ഏഴു മണിക്ക് സയ്യിദ് കെ.എസ് ആറ്റക്കോയ തങ്ങൾ കുമ്പോൽ ഉദ്ഘാടനം ചെയ്യും. ഡോ. ഫാറുഖ് നഈമി കൊല്ലം ഹിജ്റ എക്സ്പെഡിഷൻ അവതരിപ്പിക്കും. ഞായർ, തിങ്കൾ ദിവസങ്ങളിൽ രാത്രി എട്ടുമണിക്ക് പ്രശസ്ത കാഥികൻ സുബൈർ മാസ്റ്റർ തോട്ടിക്കൽ & പാർട്ടി ഇസ്‌ലാമിക കഥാപ്രസംഗം അവതരിപ്പിക്കും. ചൊവ്വാഴ്ച രാത്രി മണിക്ക് നൗഷാദ് ബാഖവി ചിറയൻകീഴ് മതപ്രഭാഷണം നടത്തും. ബുധനാഴ്ച വൈകുന്നേരം നാലുമണിക്ക് പ്രവാസി മീറ്റും സാംസ്‌കാരിക സമ്മേളനവും നടക്കും. എ. കെ. എം അഷ്‌റഫ് എം.എൽ. എ ഉദ്ഘാടനം ചെയ്യും. ജില്ലാ പഞ്ചായത്ത് മെമ്പർ സോമശേഖര ആൾവ, ബ്ലോക്ക് പഞ്ചായത്ത് മെമ്പർ ബഷീർ കോട്ടുടൽ, ഗ്രാമ പഞ്ചായത്തംഗം ശ്രീനിവാസൻ മാസ്റ്റർ തുടങ്ങിയവർ സംബന്ധിക്കും. രാത്രി എട്ടു മണിക്ക് സ്വലാത്ത് വാർഷികവും പ്രാർത്ഥന സദസ്സും കമ്പാർ ജുമാ മസ്ജിദ് ഖതീബ് സലാം ഫൈസി ഉദ്‌ഘാടനം ചെയ്യും.  ബദർ ജുമാ മസ്ജിദ് ഖത്തീബ് റാഷിദ് ഹിമമി സഖാഫി പള്ളത്തൂർ നേതൃത്വം നൽകും. 

പരിപാടിയുമായി ബന്ധപ്പെട്ട് നടന്ന പത്രസമ്മേളനത്തിൽ റാഷിദ് ഹിമമി സഖാഫി പള്ളത്തൂർ, ജമാഅത്ത് ജനറൽ സെക്രട്ടറി അബ്ദുൽ ഖാദർ ഒടുവാർ , സ്വാഗതസംഘം ചെയർമാൻ റഫീഖ് റോളക്സ്, കൺവീനർ ഹാരിസ് സി.എച്ച്, ജമാഅത്ത് വൈസ് പ്രസിഡന്റ് ഹുസൈൻ മുബാറക്, പി. ടി എ പ്രസിഡൻ്റ് മുനീർ കാനടുക്ക, ജമാഅത്ത് ജോയിൻ്റ് സെക്രട്ടറി ബഷീർ ഒടുവാർ എന്നിവർ സംബന്ധിച്ചു.