ബദിയടുക്ക നീർച്ചാലിൽ കാറും സ്കൂട്ടറും കൂട്ടിയിടിച്ച് യുവാവിന് ദാരുണാന്ത്യം
ബദിയഡുക്ക: ബദിയഡുക്ക നീർച്ചാലിൽ കാറും സ്കൂട്ടറും കൂട്ടിയിടിച്ച് യുവാവിന് ദാരുണാന്ത്യം. കന്യപ്പാടി മാടത്തടുക്ക സ്വദേശിയും അബ്ദുൽ റഹ്മാൻ-ആയിഷ ദമ്പതികളുടെ മകനുമായ മുഹമ്മദ് സൈനുദ്ദീൻ (29)ആണ് മരിച്ചത്. ഇന്ന് രാവിലെ ആറരയോടെ കുമ്പള-മുള്ളേരിയ കെ എസ് ടി പി റോഡിൽ നീർച്ചാൽ എസ് ബി ഐ ബാങ്കിനു മുന്നിലാണ് അപകടം. സീതാംഗോളിയിലെ പെട്രോൾ പമ്പിലെ ജീവനക്കാരനായ സൈനുദ്ദീൻ ഡ്യൂട്ടിക്ക് പോകവേയാണ് അപകടം. അപകടത്തിൽ സ്കൂട്ടർ പൂർണ്ണമായും കാറിൻ്റെ മുൻഭാഗവും തകർന്നു. ഭാര്യ: ഫൗസിയ. ഇബാൻ ഏക മകനാണ്. സഹോദരങ്ങൾ: ഖാദർ, റസിയ. മൃതദേഹം ജനറൽ ആശുപത്രി മോർച്ചറിയിലേക്ക് മാറ്റി. അപകടവുമായി ബന്ധപ്പെട്ട് ബദിയഡുക്ക പൊലീസ് വിശദമായി അന്വേഷണം നടത്തി വരികയാണ്.
What's Your Reaction?
Like
0
Dislike
0
Love
2
Funny
0
Angry
0
Sad
2
Wow
0
