കുട്ടികളെക്കൊണ്ട് വന്ദേ ഭാരത് ട്രെയിനിൽ ഗണഗീതം പാടിപ്പിച്ച സംഭവം; അന്വേഷണം പ്രഖ്യാപിച്ച് വിദ്യാഭ്യാസ മന്ത്രി
തിരുവനന്തപുരം: കുട്ടികളെക്കൊണ്ട് വന്ദേ ഭാരത് ട്രെയിനിൽ ആർ എസ് എസ്. ഗണഗീതം പാടിപ്പിച്ച സംഭവത്തിൽ പൊതുവിദ്യാഭ്യാസ മന്ത്രി വി. ശിവൻകുട്ടി അന്വേഷണം പ്രഖ്യാപിച്ചു. എറണാകുളം-ബംഗളൂരു വന്ദേ ഭാരത് എക്സ്പ്രസിൻ്റെ ഉദ്ഘാടനച്ചടങ്ങിനിടെയായിരുന്നു സംഭവം. കുട്ടികളെ ഏതെങ്കിലും ഒരു രാഷ്ട്രീയ സംഘടനയുടെ വർഗ്ഗീയ അജണ്ടകൾക്ക് ഉപയോഗിക്കുന്നത് ഭരണഘടനാ തത്വങ്ങളുടെ നഗ്നമായ ലംഘനവും പ്രതിഷേധാർഹവുമാണെന്നും ഗണഗീതം പാടിപ്പിച്ച സംഭവം അതീവ ഗൗരവകരമാണെന്നും മന്ത്രി പ്രതികരിച്ചു. സംഭവത്തെക്കുറിച്ച് വിശദമായി അന്വേഷിച്ച് എത്രയും പെട്ടെന്ന് റിപ്പോർട്ട് സമർപ്പിക്കാൻ പൊതുവിദ്യാഭ്യാസ ഡയറക്ടർക്ക് നിർദേശം നൽകിയതായും അദ്ദേഹം അറിയിച്ചു.
ഗണഗീതം ആലപിക്കുന്ന ദൃശ്യങ്ങൾ റെയിൽവേ എക്സ് ഹാൻഡിലിൽ പോസ്റ്റ് ചെയ്തതോടെ സംഭവം വിവാദമാവുകയും പിന്നാലെ റെയിൽവേ പോസ്റ്റ് പിൻവലിക്കുകയും ചെയ്തിരുന്നു. തുടർന്ന് രാത്രി വീണ്ടും പോസ്റ്റ് ചെയ്യുകയായിരുന്നു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
