പരിശീലനം വേണമെന്നാണ് പറഞ്ഞത്, ദളിതരെയൊ സ്ത്രീകളെയൊ അധിക്ഷേപിച്ചിട്ടില്ല; അടൂര് ഗോപാലകൃഷ്ണന്
തിരുവനന്തപുരം: കഴിഞ്ഞ ദിവസം നടന്ന സിനിമാ കോണ്ക്ലേവില് നടത്തിയ പരാമര്ശം വിവാദമായതോടെ വാദത്തില് ഉറച്ചുനിന്ന് സംവിധായകന് അടൂര് ഗോപാലകൃഷ്ണന്. സര്ക്കാര് ഫണ്ട് ഉപയോഗിച്ച് നിര്മ്മിക്കുന്ന എല്ലാ സിനിമകള്ക്കും പരിശീലനം വേണമെന്നായിരുന്നു അടൂര് ഗോപാലകൃഷ്ണന്റെ പരാമര്ശം. മാധ്യമ വ്യാഖ്യാനങ്ങള്ക്ക് താന് ഉത്തരവാദിയല്ലെന്നും ദളിതരെയോ സ്ത്രീകളേയോ അപമാനിച്ചിട്ടില്ലെന്നും അദ്ദേഹം വിശദീകരിച്ചു. ട്രെയിനിംഗ് നല്കണമെന്ന് പറഞ്ഞതാകും ആളുകള്ക്ക് ഇഷ്ടപ്പെടാതെ പോയത്. അറിവുകേട് കൊണ്ടാണ് അതിനെതിരെ പറയുന്നത്. യാതൊരു മുന് പരിചയവുമില്ലാതെ ആദ്യമായി സിനിമ എടുക്കുന്നവര്ക്കാണ് ഗവണ്മെന്റ് ധനസഹായം ചെയ്യുന്നത്. അങ്ങനെ ചെയ്യുമ്പോള് അവര്ക്ക് കുറഞ്ഞത് മൂന്ന് മാസത്തെ ഒരു ഓറിയന്റേഷന് കൊടുക്കണം. നടീനടന്മാര് വന്ന് അഭിനയിക്കുമ്പോള് മാത്രം സിനിമ ആകുന്നില്ല. അതിന് സാങ്കേതികവും അല്ലാത്തതുമായ ഒരുപാട് ഘടകങ്ങളുണ്ടെന്നും അദ്ദേഹം പറഞ്ഞു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
