അന്തരിച്ച മുന് മുഖ്യമന്ത്രി വി എസിനെതിരെ അധിക്ഷേപം; സ്കൂള് അധ്യാപകന് അറസ്റ്റില്
തിരുവനന്തപുരം: മുന് മുഖ്യമന്ത്രി വി എസ് അച്യുതാനന്ദന്റെ മരണത്തിന് പിന്നാലെ അദ്ദേഹത്തെ അധിക്ഷേപിച്ച സ്കൂള് അധ്യാപകന് അറസ്റ്റില്. നഗരൂര് നെടുംപറമ്പ് സ്വദേശിയും ആറ്റിങ്ങല് ബോയ്സ് ഹയര് സെക്കന്ഡറി സ്കൂളിലെ അധ്യാപകനുമായ വി അനൂപിനെയാണ് പോലീസ് അറസ്റ്റ് ചെയ്തത്. 'പട്ടികള് ചത്താല് ഞാന് സ്റ്റാറ്റസ് ഇടാറില്ല' എന്നായിരുന്നു വി എസ് അച്യുതാനന്ദനെ അധിക്ഷേപിച്ച് ഇയാള് വാട്സ്ആപ്പ് സ്റ്റാറ്റസ് ഇട്ടത്. ഇതിനെതിരെ വ്യാപക പ്രതിഷേധം ഉയര്ന്നിട്ടുണ്ട്. അനൂപിനെതിരെ വിദ്യാഭ്യാസ വകുപ്പ് മാതൃകാപരമായ നടപടി സ്വീകരിക്കണമെന്ന് സുപ്രീംകോടതി അഭിഭാഷകനും സേവ് നിമിഷപ്രിയ ആക്ഷന് കൗണ്സില് നിയമോപദേഷ്ടാവുമായ അഡ്വ. സുഭാഷ് ചന്ദ്രന് ആവശ്യപ്പെട്ടു. ഇന്നലെയായിരുന്നു മുന് മുഖ്യമന്ത്രിയും മുതിര്ന്ന സിപിഎം നേതാവുമായ വി.എസ് അച്യുതാനന്ദന് അന്തരിച്ചത്.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
