രാജ്യത്തിന്റെ 80-ാം സ്വാതന്ത്ര്യ ദിനം മുഹിമ്മാത്തുദ്ധീൻ മദ്റസയിൽ സമുചിതമായി ആഘോഷിച്ചു

പുത്തിഗെ: ഇന്ത്യയുടെ എൻപതാം സ്വാതന്ത്ര്യ ദിനം മുഹിമ്മാത്തുദ്ദീൻ മദ്രസയിൽ സമുചിതമായി ആചരിച്ചു. രാജ്യത്തിന്റെ അഖണ്ഡതയും സമത്വവും കാത്തുസൂക്ഷിക്കാൻ വിദ്യാർത്ഥികളും അദ്ധ്യാപകരും പ്രതിജ്ഞ പുതുക്കി. മദ്റസയിൽ നടന്ന വിവിധ സെഷനുകൾ പ്രൗഢമായി. സ്വാതന്ത്ര്യ ദിന ദിന സന്ദേശം, പ്രഭാഷണം, ക്വിസ്, പ്രബന്ധം, കയ്യെഴുത്ത് മാസിക പ്രകാശനം തുടങ്ങി വിവിധ പരിപാടികൾ ചടങ്ങിൽ നടന്നു. വിവിധ പരീക്ഷകളിൽ ഉന്നത വിജയം നേടിയ വിദ്യാർഥികളെയും അതിന് പ്രാപ്തരാക്കിയ അധ്യാപകരെയും ചടങ്ങിൽ ആദരിച്ചു.

ചടങ്ങിൽ മുഹിമ്മാത്ത് സെക്രട്ടറി മൂസ സഖാഫി കളത്തൂർ പതാക ഉയർത്തി. സ്വദർ മുഅല്ലിം അബ്ദുൽ ഖാദർ സഅദി അദ്ധ്യക്ഷത വഹിച്ചു. അസീസ് ഹിമമി ഗോസഡ, എസ് ബി എസ് സെക്രട്ടറി റുഹൈസ് ദേലംപാടി, സിദ്ദീഖ് സഖാഫി തുടങ്ങിയവർ പ്രസംഗിച്ചു.  മുർത്തള ഹിമമി സഖാഫി, ഹൗഫ് ഹിമമി സഖാഫി, ആബിദലി സഖാഫി, അൻസാർ സഖാഫി, മുഹമ്മദ് മുസ്ലിയാർ തുപ്പക്കൽ, ബാസിത്ത് ഹിമിമി സഖാഫി, മുസമ്മിൽ ഹിമമി സഖാഫി, നൗഫൽ ഹിമമി സഖാഫി, ശാഹുൽ ഹമീദ് സഖാഫി, നാസർ ഹിമമി, സകരിയ്യ സഖാഫി, അബ്ദുൽ ലത്വീഫ് സഅദി തുടങ്ങിയവർ വിവിധ സെഷനുകൾക്ക് നേതൃത്വം നൽകി. ഉമൈർ മള്ഹരി സഖാഫി സ്വാഗതവും സാലിം ആദൂർ നന്ദിയും പറഞ്ഞു.