ഗോവയിലെ നിശാ ക്ലബിൽ തീപിടുത്തം; ടൂറിസ്റ്റുകൾ ഉൾപ്പെടെ 25 പേര് മരിച്ചു
പനാജി: ഗോവയിലെ ആർപോറയിലെ റോമിയോ ലെയ്ൻ നിശാ ക്ലബിലുണ്ടായ വൻ തീപിടിത്തത്തിൽ ടൂറിസ്റ്റുകൾ ഉൾപ്പെടെ 25 പേർ മരിച്ചു. മരിച്ചവരിൽ കൂടുതലും ക്ലബ് ജീവനക്കാരാണ്. 50 പേർക്ക് പരുക്കേൽക്കുകയും ചെയ്തു. സിലിണ്ടർ പൊട്ടിത്തെറിച്ചാണ് അപകടമുണ്ടായതെന്നാണ് സംശയിക്കുന്നത്. അർധരാത്രിയിലാണ് അപകടമുണ്ടായത്. തീ നിയന്ത്രണ വിധേയമാക്കി. സംഭവത്തിൽ അന്വേഷണത്തിന് സംസ്ഥാന സർക്കാർ ഉത്തരവിട്ടു. ദുരന്തം കടുത്ത വേദനയുളവാക്കുന്നതാണെന്നും മരണപ്പെട്ടവരുടെ ബന്ധുക്കളെ അനുശോചനം അറിയിക്കുന്നതായും ഗോവ മുഖ്യമന്ത്രി പറഞ്ഞു. അപകടത്തിന്റെ ഉത്തരവാദികൾ ആരായാലും അവർക്കെതിരെ നിയമത്തിനു കീഴിലുള്ള ഏറ്റവും ശക്തമായ നടപടി തന്നെ സ്വീകരിക്കുമെന്ന് മുഖ്യമന്ത്രി വ്യക്തമാക്കി. സംഭവസ്ഥലം സന്ദർശിച്ച മുഖ്യമന്ത്രി അന്വേഷണത്തിന് ഉത്തരവിട്ടു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
