ആത്മഹത്യ:പ്രത്യാശയുടെ ബദല്‍ വഴികള്‍

എല്ലാ വർഷവും സെപ്റ്റംബർ 10-ന് ലോകമെമ്പാടും ആത്മഹത്യാ വിരുദ്ധ ദിനമായി ആചരിക്കുന്നു. ആത്മഹത്യ ഒരു ആഗോള മാനസിക പ്രശ്നമായി മാറിയ ഈ കാലഘട്ടത്തിൽ, തദ് വിഷയത്തെക്കുറിച്ച് അവബോധം സൃഷ്ടിക്കേണ്ടത് വളരെ പ്രധാനമാണ്.

ഇസ്‌ലാം ഒരു വ്യക്തിയുടെ ജീവൻ വളരെ പവിത്രമായി കാണുന്നു. മനുഷ്യൻ ഭൂമിയിൽ സൃഷ്ടാവിന്റെ പ്രതിനിധിയാണ്. അവന്റെ പ്രാതിനിത്യം വഹിക്കുന്ന മനുഷ്യൻ്റെ ജീവൻ സൃഷ്ടാവിന്റെ കൈയ്യിലുള്ള ഒരു വിശ്വസ്തതയാണെന്നാണ് ഇസ്‌ലാമിന്റെ അടിസ്ഥാന പാഠം. അതുകൊണ്ടുതന്നെ, ആത്മഹത്യ ഇസ്‌ലാമിൽ ഒരു മഹാപാപമായി കണക്കാക്കുന്നു.
വിശുദ്ധ ഖുർആൻ ആത്മഹത്യയെക്കുറിച്ച് വ്യക്തമായി പറയുന്നുണ്ട്: "നിങ്ങൾ നിങ്ങളുടെ കൈകളാൽ നിങ്ങളെത്തന്നെ നാശത്തിലേക്ക് തള്ളിവിടരുത്" (ഖുർആൻ ). ഈ സൂക്തം സ്വന്തം ജീവനെ ഹനിക്കാനുള്ള ശ്രമത്തിനെതിരെയുള്ള ശക്തമായ താക്കീതാണ്. അതുപോലെ, മറ്റൊരു സൂക്തത്തിൽ "നിങ്ങൾ അല്ലാഹു ഹറാമാക്കിയ ജീവനെ അന്യായമായി കൊല്ലരുത്" എന്നും പറയുന്നു (ഖുർആൻ). ഇവിടെ "ജീവനെ" എന്ന പദം ഒരു വ്യക്തിയുടെ സ്വന്തം ജീവനെയും ഉൾക്കൊള്ളുന്നു.
പ്രവാചകർ മുഹമ്മദ് നബി (സ) ആത്മഹത്യ ചെയ്യുന്നവരുടെ പരലോക ശിക്ഷയെക്കുറിച്ച് താക്കീത് നൽകിയിട്ടുണ്ട്. ഹദീസുകളിൽ പ്രവാചകൻ നബി (സ ) പറയുന്നത്, "ആരെങ്കിലും ഒരു ലോഹക്കഷണം കൊണ്ട് സ്വയം കൊല്ലുകയാണെങ്കിൽ, അവൻ നരകത്തിൽ ആ ലോഹക്കഷണം കൊണ്ട് സ്വയം കുത്തിക്കൊണ്ടിരിക്കും. ആരെങ്കിലും വിഷം കഴിച്ച് ആത്മഹത്യ ചെയ്യുകയാണെങ്കിൽ, അവൻ നരകത്തിൽ ആ വിഷം കുടിച്ചുകൊണ്ടിരിക്കും" (ബുഖാരി, മുസ്ലിം). ഈ പ്രവചനം ആത്മഹത്യ എത്രത്തോളം ഗുരുതരമായ പാപമാണെന്ന് സൂചിപ്പിക്കുന്നു.
ആത്മഹത്യയുടെ കാരണങ്ങളും ഇസ്‌ലാം നിർദ്ദേശിക്കുന്ന പരിഹാരങ്ങളും
ആത്മഹത്യക്ക് പിന്നിൽ പല കാരണങ്ങളുണ്ടാവാം. വിഷാദം, മാനസിക പ്രശ്നങ്ങൾ, സാമ്പത്തിക പ്രതിസന്ധി, കുടുംബ തകർച്ച, തുടങ്ങിയ വിഷയങ്ങളെ ഇസ്‌ലാം എങ്ങനെ സമീപിക്കുന്നുവെന്ന് നോക്കാം:

ദൈവവിശ്വാസവും പ്രതീക്ഷയും:
ഒരു മുസ്ലിമിനെ സംബന്ധിച്ചിടത്തോളം, ജീവിതത്തിലെ ഓരോ ദുരിതവും ഒരു പരീക്ഷണമാണ്. അല്ലാഹുവിന്റെ കാരുണ്യത്തിൽ വിശ്വസിക്കുകയും അവന്റെ സഹായത്തിനായി പ്രാർത്ഥിക്കുകയും ചെയ്യണം. "തീർച്ചയായും ദുരിതത്തോടൊപ്പം ആശ്വാസമുണ്ട്" എന്ന ഖുർആനിക വചനം വിശ്വാസികൾക്ക് വലിയ ആശ്വാസമാണ്. ഒരു മുസ്ലിം ഒരിക്കലും പ്രതീക്ഷ കൈവിടരുത്.

സാമൂഹിക പിന്തുണ: 
ഇസ്‌ലാം ഒരു സമൂഹമെന്ന നിലയിൽ പരസ്പരം സഹായിക്കാനും പിന്തുണ നൽകാനും പ്രോത്സാഹിപ്പിക്കുന്നു. വിഷാദത്തിലോ മറ്റ് മാനസിക പ്രശ്നങ്ങളിലോ അകപ്പെട്ട ഒരാളെ സമൂഹം ചേർത്ത് നിർത്തണം. പ്രവാചകൻ (സ) പറഞ്ഞത്, "ഒരു വിശ്വാസി മറ്റൊരു വിശ്വാസിയുടെ കണ്ണാടിയാണ്" എന്നാണ്. ഒരാൾക്ക് വേദന വരുമ്പോൾ, മറ്റുള്ളവർ അവനെ സഹായിക്കേണ്ടതുണ്ട്.

മാനസികാരോഗ്യ പരിചരണം:
മാനസികരോഗങ്ങൾ ഒരു ശാരീരിക രോഗം പോലെ തന്നെയാണ് ഇസ്‌ലാമിൽ കാണുന്നത്. അതിനാൽ, ആവശ്യമെങ്കിൽ ഒരു ഡോക്ടറെയോ, മനഃശാസ്ത്രജ്ഞനെയോ സമീപിക്കുന്നത് ഇസ്‌ലാമികമായി തെറ്റല്ല. ഇസ്‌ലാമിന്റെ അടിസ്ഥാന തത്വങ്ങളിൽ രോഗം വന്നാൽ ചികിത്സ തേടണമെന്നുണ്ട്.

ആത്മഹത്യാ വിരുദ്ധ ദിനം: 
ലോക ആത്മഹത്യാ വിരുദ്ധ ദിനം ഒരു വിശ്വാസിയെ സംബന്ധിച്ചിടത്തോളം ചില ഉത്തരവാദിത്തങ്ങൾ ഓർമ്മിപ്പിക്കുന്നു.
അവബോധം സൃഷ്ടിക്കുക:
ആത്മഹത്യ ഒരു ഗുരുതരമായ പാപമാണെന്നും,  അതിൻറെ അനന്തരഫലങ്ങളെ കുറിച്ച് ബോധവാന്മാരാകണമെന്നും മറ്റുള്ളവരെ പഠിപ്പിക്കുക.
വിഷാദത്തിന് അടിമപ്പെട്ടവരെ സഹായിക്കുക: 
നിങ്ങളുടെ ചുറ്റുമുള്ള ആരെങ്കിലും മാനസിക പ്രയാസങ്ങൾ അനുഭവിക്കുന്നുണ്ടെങ്കിൽ, അവരോട് സംസാരിക്കുക, അവരെ സമാധാനിപ്പിക്കുക, അവർക്ക് ആവശ്യമായ സഹായം നൽകാൻ ശ്രമിക്കുക.
പ്രതീക്ഷ നൽകുക:
ഇസ്‌ലാം നൽകുന്ന പ്രതീക്ഷയുടെ സന്ദേശം ആളുകളിലേക്ക് എത്തിക്കുക. ജീവിതം എത്ര കഠിനമായാലും അല്ലാഹുവിന്റെ കാരുണ്യം എപ്പോഴും കൂടെയുണ്ടെന്ന് അവരെ ഓർമ്മിപ്പിക്കുക.
ചുരുക്കത്തിൽ, ലോക ആത്മഹത്യാ വിരുദ്ധ ദിനം ഇസ്‌ലാമിന്റെ ജീവന്റെ പവിത്രത എന്ന തത്വവുമായി യോജിച്ച് പോകുന്നു. ഈ ദിനം, ജീവൻ എത്ര വലുതാണെന്നും, എല്ലാ പ്രതിസന്ധിയിലും പ്രത്യാശയുണ്ടെന്നും ഓർമ്മിപ്പിക്കുന്നു.

✍?ഇബ്രാഹിം ഖലീൽ കനിയാല