ಆಧ್ಯಾತ್ಮಿಕ ಸುವಾಸನೆ ಪಸರಿಸಿದ ಮುಹಿಮ್ಮಾತ್ ಉರೂಸ್: ಮೂರನೇ ದಿನದ ಕಾರ್ಯಕ್ರಮಗಳು ಸಂಪನ್ನ

Jan 31, 2026 - 13:14

ಪುತ್ತಿಗೆ: ಮುಹಿಮ್ಮಾತ್ ಸಂಸ್ಥೆಯ ಸ್ಥಾಪಕರಾದ ಸಯ್ಯಿದ್ ತಾಹಿರುಲ್ ಅಹ್ದಲ್ ತಂಙಳ್ ಅವರ 20ನೇ ಉರೂಸ್ ಮುಬಾರಕ್ ಕಾರ್ಯಕ್ರಮವು ಮೂರನೇ ದಿನವೂ ಅತ್ಯಂತ ಶ್ರದ್ಧಾಭಕ್ತಿ ಮತ್ತು ಆಧ್ಯಾತ್ಮಿಕ ಸಡಗರದೊಂದಿಗೆ ಜರುಗಿತು.

ಶುಕ್ರವಾರ ಮಧ್ಯಾಹ್ನ 2 ಗಂಟೆಗೆ ರಿಫಾಯಿ ರಾತೀಬ್ ಮತ್ತು ಸಂಜೆ 4 ಗಂಟೆಗೆ ಮುಹಿಯುದ್ದೀನ್ ರಾತೀಬ್ ಮಜ್ಲಿಸ್‌ಗಳು ನಡೆದವು. ಈ ಪವಿತ್ರ ಆಧ್ಯಾತ್ಮಿಕ ಸಂಗಮಗಳಿಗೆ ಸಯ್ಯಿದ್ ಪೂಕುಂಞಿ ತಂಙಳ್ ಆದೂರು, ಸಯ್ಯಿದ್ ಸೈನುಲ್ ಆಬಿದೀನ್ ಮುತ್ತು ತಂಙಳ್ ಕಣ್ಣವಂ, ಅಲ್ಲಾಮಾ ಖಿಯಾಮ್ ರಜಾ ಖಾದಿರಿ ಅಜ್ಮೀರ್ ಹಾಗೂ ಹಮ್ಮಾದ್ ಚಿಸ್ತಿ ಅಜ್ಮೀರ್ ಅವರು ನೇತೃತ್ವ ನೀಡಿದರು.

ಧಾರ್ಮಿಕ ಪ್ರಭಾಷಣ: ರಾತ್ರಿ ನಡೆದ ಧಾರ್ಮಿಕ ಸಭೆಯಲ್ಲಿ ಖ್ಯಾತ ವಾಗ್ಮಿ ನೌಫಲ್ ಸಖಾಫಿ ಕಳಸ ಅವರು ನಡೆಸಿಕೊಟ್ಟ ಪ್ರಭಾಷಣವು ನೆರೆದಿದ್ದ ಸಾವಿರಾರು ಭಕ್ತರಲ್ಲಿ ಆಧ್ಯಾತ್ಮಿಕ ಚೈತನ್ಯವನ್ನು ತುಂಬಿತು. ಸಯ್ಯಿದ್ ಪಿ.ಎಸ್. ಆಟ್ಟಕ್ಕೋಯ ತಂಙಳ್ ಬಾಹಸನ್ ಪಂಜಿಕಲ್ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಿದರು.

ಉರೂಸ್‌ನ ಈ ಮೂರನೇ ದಿನವು ವಿವಿಧ ಆಧ್ಯಾತ್ಮಿಕ ಮಜ್ಲಿಸ್‌ಗಳ ಮೂಲಕ ಅತ್ಯಂತ ಯಶಸ್ವಿಯಾಗಿ ಮೂಡಿಬಂದಿತು.