ಕೇಂದ್ರ ಬಜೆಟ್: ಯಾವುದರ ಬೆಲೆ ಏರಿಕೆ? ಯಾವುದರ ಬೆಲೆ ಇಳಿಕೆ?

ನವದೆಹಲಿ: ಜಾಗತಿಕ ವ್ಯಾಪಾರ ಒತ್ತಡಗಳು ಮತ್ತು ರೂಪಾಯಿ ಮೌಲ್ಯದ ಕುಸಿತದ ನಡುವೆ ಮಂಡಿಸಲಾದ ಕೇಂದ್ರ ಬಜೆಟ್‌ನಲ್ಲಿ, ತೆರಿಗೆ ವಿನಾಯಿತಿ ಮತ್ತು ಬೆಲೆ ನಿಯಂತ್ರಣದ ಮೂಲಕ ಮಧ್ಯಮ ವರ್ಗದವರನ್ನು ಹಾಗೂ ಕೃಷಿ-ಕೈಗಾರಿಕಾ ವಲಯಗಳನ್ನು ಬಲಪಡಿಸಲು ಸರ್ಕಾರ ಗುರಿ ಹಾಕಿಕೊಂಡಿದೆ.

ಕ್ಯಾನ್ಸರ್ ರೋಗಿಗಳಿಗೆ ದೊಡ್ಡ ಮಟ್ಟದ ಸಮಾಧಾನ ನೀಡುವ ಸಲುವಾಗಿ, 17 ಪ್ರಮುಖ ಕ್ಯಾನ್ಸರ್ ಔಷಧಗಳ ಮೇಲಿನ ಆಮದು ಸುಂಕವನ್ನು ಸಂಪೂರ್ಣವಾಗಿ ರದ್ದುಗೊಳಿಸಲಾಗಿದೆ.

ಪರಂಪರಾಗತ ಕೈಗಾರಿಕಾ ವಲಯಕ್ಕೆ ಶಕ್ತಿ ತುಂಬಲು ‘ಮಹಾತ್ಮ ಗಾಂಧಿ ಗ್ರಾಮ ಸ್ವರಾಜ್’ ಹೆಸರಿನ ಹೊಸ ಯೋಜನೆಯನ್ನು ಘೋಷಿಸಲಾಗಿದೆ. ಖಾದಿ, ಕೈಮಗ್ಗ ಮತ್ತು ಕರಕುಶಲ ವಲಯಗಳ ಅಭಿವೃದ್ಧಿಯನ್ನು ಗುರಿಯಾಗಿಸಿಕೊಂಡಿರುವ ಈ ಯೋಜನೆಯು, ಸ್ಥಳೀಯ ಉತ್ಪನ್ನಗಳನ್ನು ಜಾಗತಿಕ ಮಾರುಕಟ್ಟೆಯೊಂದಿಗೆ ಸಂಪರ್ಕಿಸಲಿದೆ. ಇದರೊಂದಿಗೆ ಮೆಗಾ ಟೆಕ್ಸ್ಟೈಲ್ ಪಾರ್ಕ್‌ಗಳು ಮತ್ತು ನ್ಯಾಷನಲ್ ಫೈಬರ್ ಸ್ಕೀಮ್ ಒಳಗೊಂಡ ಸಮಗ್ರ ಜವಳಿ ಅಭಿವೃದ್ಧಿ ಪ್ಯಾಕೇಜ್ ಅನ್ನು ಸಚಿವರು ಮಂಡಿಸಿದ್ದಾರೆ.

ಬಜೆಟ್ ನಂತರದ ಬೆಲೆ ಬದಲಾವಣೆಗಳು ಒಂದು ನೋಟದಲ್ಲಿ:

ಬೆಲೆ ಇಳಿಕೆಯಾಗುವ ವಸ್ತುಗಳು:

• 17 ವಿಧದ ಕ್ಯಾನ್ಸರ್ ಔಷಧಗಳು

• ಸ್ಮಾರ್ಟ್‌ಫೋನ್‌ಗಳು

• ಚರ್ಮದ (Leather) ಉತ್ಪನ್ನಗಳು

• ಸೌರ ಫಲಕಗಳು (Solar Panels)

• ಇವಿ (EV) ಬ್ಯಾಟರಿಗಳು

• ಸಮುದ್ರ ಆಹಾರಗಳು (Sea foods)

• ಕ್ರೀಡಾ ಸಲಕರಣೆಗಳು

• ಮೈಕ್ರೋವೇವ್ ಓವನ್ಗಳು

• ವೈಯಕ್ತಿಕ ಬಳಕೆಗಾಗಿ ವಿದೇಶದಿಂದ ತರುವ ಎಲೆಕ್ಟ್ರಾನಿಕ್ ವಸ್ತುಗಳು (ತೆರಿಗೆಯನ್ನು 20% ರಿಂದ 10% ಕ್ಕೆ ಇಳಿಸಲಾಗಿದೆ)

ಬೆಲೆ ಏರಿಕೆಯಾಗುವ ವಸ್ತುಗಳು:

• ಮದ್ಯ, ಸಿಗರೇಟ್ ಮತ್ತು ಪಾನ್ ಮಸಾಲ

• ಡಿಜಿಟಲ್ ಕ್ಯಾಮೆರಾಗಳು

• ವಿಡಿಯೋ ಗೇಮ್‌ಗಳು

• ಇ-ರೀಡರ್‌ಗಳು (E-readers)

• ಛತ್ರಿಗಳು (ಭಾಗಗಳು ಮತ್ತು ಬಿಡಿಭಾಗಗಳ ಮೇಲೆ 10% ತೆರಿಗೆ)

• ಕಾಫಿ ಮೆಷಿನ್‌ಗಳು (ವೆಂಡಿಂಗ್ ಮತ್ತು ಬ್ರೂಯಿಂಗ್ ಮೆಷಿನ್‌ಗಳು)

• ಹಿರಿಯ ನಾಗರಿಕರ ಡೈಪರ್‌ಗಳು (Adult Diapers)