ಸುಸ್ಥಿರ ಅಭಿವೃದ್ಧಿಗಾಗಿ ಅಂತರರಾಷ್ಟ್ರೀಯ ಪ್ರಶಸ್ತಿ ಮರ್ಕಝ್ ನಾಲೆಡ್ಜ್ ಸಿಟಿಗೆ

ಚಿಕಾಗೋ: ಗ್ರಾಮೀಣ ಪ್ರದೇಶಗಳಲ್ಲಿನ ಸುಸ್ಥಿರ ಅಭಿವೃದ್ಧಿ ಯೋಜನೆಗಳಿಗಾಗಿ ಮರ್ಕಝ್ ನಾಲೆಡ್ಜ್ ಸಿಟಿಗೆ ಅಂತರರಾಷ್ಟ್ರೀಯ ಪ್ರಶಸ್ತಿ ಲಭಿಸಿದೆ. ಅಮೆರಿಕದ ಇಲಿನಾಯ್ಸ್ ವಿಶ್ವವಿದ್ಯಾಲಯದಲ್ಲಿ ವಿಶ್ವ ಜಲ ನಿರ್ವಹಣಾ ಸಂಸ್ಥೆ (ಡಬ್ಲ್ಯುಡಬ್ಲ್ಯೂಎಂ ಐ) ಆಯೋಜಿಸಿದ್ದ ಅಂತರರಾಷ್ಟ್ರೀಯ ಸಮ್ಮೇಳನದಲ್ಲಿ ನಾಲೆಡ್ಜ್ ಸಿಟಿ ಸಿಇಒ ಡಾ. ಅಬ್ದುಸ್ಸಲಾಮ್ ಮೊಹಮ್ಮದ್ ಅವರು ಗ್ಲೋಬಲ್ ಎಕ್ಸಲೆನ್ಸ್ ಪ್ರಶಸ್ತಿ ಸ್ವೀಕರಿಸಿದರು. ಗ್ರೇಟರ್ ಚಿಕಾಗೋದ ಮೆಟ್ರೋಪಾಲಿಟನ್ ವಾಟರ್ ರಿಕ್ಲಮೇಷನ್ ಡಿಸ್ಟ್ರಿಕ್ಟ್‌ನ ಆಯುಕ್ತರಾದ ಶರೋನ್ ವಾಲರ್ ಅವರು ಪ್ರಶಸ್ತಿಯನ್ನು ಪ್ರದಾನ ಮಾಡಿದರು.

ಮರ್ಕಝ್ ನಾಲೆಡ್ಜ್ ಸಿಟಿಯ ಸುತ್ತಮುತ್ತಲಿನ ಗುಡ್ಡಗಾಡು ಗ್ರಾಮೀಣ ಪ್ರದೇಶಗಳನ್ನು ಸಂಪನ್ಮೂಲ ಚೇತರಿಕೆಯ ವಿಷಯದಲ್ಲಿ ಸ್ವಾವಲಂಬಿಗಳನ್ನಾಗಿ ಮಾಡುವ ಮೂಲಕ ಸ್ಮಾರ್ಟ್ ಗ್ರಾಮಗಳಾಗಿ ಪರಿವರ್ತಿಸುವ ಪ್ರಯತ್ನಗಳಿಗಾಗಿ ಈ ಪ್ರಶಸ್ತಿ ಲಭಿಸಲಾಗಿದೆ.
ನಾಲೆಡ್ಜ್ ಸಿಟಿಯ ಸುತ್ತಮುತ್ತಲಿನ ಹಳ್ಳಿಯನ್ನು ಶೃಂಗಸಭೆಯಲ್ಲಿ ಸ್ಮಾರ್ಟ್ ವಿಲೇಜ್ ಎಂದು ಘೋಷಿಸಲಾಯಿತು. ಸೌರಶಕ್ತಿ, ಮಳೆನೀರು ಕೊಯ್ಲು, ಶೂನ್ಯ ತ್ಯಾಜ್ಯ ನಿರ್ವಹಣೆ ಮತ್ತು ಹಸಿರು ಚಲನಶೀಲತೆ ಪರಿಹಾರಗಳಂತಹ ಚಟುವಟಿಕೆಗಳು ಮರ್ಕಝ್ ನಾಲೆಡ್ಜ್ ಸಿಟಿಗೆ ಪ್ರಶಸ್ತಿಯನ್ನು ತಂದುಕೊಟ್ಟಿವೆ.